Upcoming Events

ಪಳೆತಾನಾ ಹಿ ಪಾಚ್ವಿ ಪಾಚ್ವಿ ಪ್ರಥ್ವಿ
ಹಾ! ಜಾತಾ ಖುಶಿ ಕಿತ್ಲಿ
ಕಾಂಯ್ ಇತ್ಲಿ ನ್ಹಯ್ ತಿತ್ಲಿ
ಸಾಂಗುಂಕ್‌ಚ್ ಜಾಯ್ನಾ ತಿತ್ಲಿ

ತಿಂ ಪಾನಾಂ ಪಾಚ್ವಿಂ ಪಾಚ್ವಿಂ
ಹಾಲ್ತಾತ್ ಕಶಿಂ?
ತಿ ತಣಾಂ ಧಾಕ್ಟಿಂ ಧಾಕ್ಟಿಂ
ಯೆತಾತ್ ಕಶಿಂ?

ತಿಂ ರಾನಾಂ ವ್ಹಡ್ಲಿಂ ವ್ಹಡ್ಲಿಂ
ವಾಡ್ತಾತ್ ಕಶಿಂ?
ತಿಂ ವನಾಂ ಮದ್ಲಿಂ ಮದ್ಲಿಂ
ದಿಸ್ತಾತ್ ಕಶಿಂ?

ಸಾಂಗುಂಕ್ ಅಪುರ್ಬಾಯ್ ಹಿ
ಪಾಂವ್ಚಿ ನಾ ಜಿಣಿ ಕವಿಚಿ
ಕಿತ್ಯಾಕ್ ಹಿ ಪಾಚ್ವಿ ಪಾಚ್ವಿ ಪ್ರಥ್ವಿ
ಸ್ರಷ್ಟಿ ತ್ಯೆ ಸೊಮ್ಯಾ ಜಿಜುಚಿ

ಪಳೆತಾನಾ ಹಿ ಪಾಚ್ವಿ ಪಾಚ್ವಿ ಪ್ರಥ್ವಿ
ಹಾ! ಮೆಳ್ತಾ ಶಾಂತಿ ಕಿತ್ಲಿ
ಕಾಂಯ್ ಇತ್ಲಿ ನ್ಹಯ್ ತಿತ್ಲಿ
ವರ್ಣುಂಕ್‌ಚ್ ಜಾಯ್ನಾ ತಿತ್ಲಿ

ತಿ ಶೆತಾಂ ಹಾಂಚಿಂ ತಾಂಚಿಂ
ಜಾತಾತ್ ಕಶಿಂ?
ತಿಂ ಭಾಟಾಂ ಆಮ್ಚಿಂ ತುಮ್ಚಿಂ
ಭರ್‍ತಾತ್ ಕಶಿಂ?

ತಿಂ ವೊಡ್ತಾಂ ವಯ್ಲಿಂ ಸಕಯ್ಲಿಂ
ಧಲ್ತಾತ್ ಕಶಿಂ?
ತಿಂ ತೊಟಾಂ ಪಾಟ್ಲಿಂ ಮುಕ್ಲಿಂ
ಸೊಬ್ತಾತ್ ಕಶಿಂ?

ವರ್ಣುಂಕ್ ಸೊಬಾಯ್ ಹಿ
ಪಾಂವ್ಚಿಂ ನಾ ಜಿಣಿ ಕವಿಚಿ
ಕಿತ್ಯಾಕ್ ಹಿ ಪಾಚ್ವಿ ಪಾಚ್ವಿ ಪ್ರಥ್ವಿ
ಸ್ರಷ್ಟಿ ತ್ಯೆ ಧನ್ಯಾ ದೆವಾಚಿ

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್