ಅಧಿಕ್ ಮೊಗಾಚಾ ಭಾವಾ/ ಭಯ್ಣಿ೦,

Appeal Konkani

ಜೆಜುಚಿ ಕುರ್ಪಾ ಆನಿ ಶಾ೦ತಿ ಸದಾ೦ಚ್ ತುಮ್ಚೆ೦ ಸವೆ೦ ಆಸೊ೦. ದೆವಾಚಾ ವರ್ತ್ಯಾ ಮೊಗಾನ್ ಆನಿ ಕುರ್ಪೆನ್ ತುಮ್ಕಾ೦ ಬೊರೆ೦ ಮಾಗೊನ್, ಹಾ೦ವ್ ತುಮ್ಚಿ ಅತ್ಮಿಕ್ ಭಲಾಯ್ಕಿ ಆಶೆತಾ೦. ದೇವ್ ಆಪ್ಲ್ಯಾ ಮೊಗಾನ್ ತುಮ್ಕಾ೦ ಭರು೦ ಆನಿ ತುಮ್ಚೆ೦ ಜಿವಿತ್ ತಾಚಾ ಆಶಿರ್ವಾದಾನಿ೦ ಭರೊನ್ ನ೦ದನ್ ಕರು೦. ತುಮ್ಚೊ ಸದಾ೦ಚ್ ಉಗ್ಡಾಸ್ ದವರ್ನ್ ಆಮಿ ತುಮ್ಚೆ೦ ಖಾತಿರ್ ಮಾಗ್ತಾ೦ವ್.

ದೈವಿಕ್ ಮಿಸಾ೦ವ್ ಸ೦ಸ್ಥೊ ದೆವಾಚೆ೦ ಉತಾರ್ ಪರ್ಗಟ್ ಕರ್ನ್, ದೆವಾಚಾ ರಾಜಾಚಿ ಬರಿ ಖಬರ್ ಲೊಕಾಕ್ ದೀವ್ನ್ ಅಸಾ. ಹರ್ಯೆಕಾ ದಿಸಾ ಸಕಾಳಿ೦ 11.30 ವೊರಾರ್ ಆನಿ ಸಾ೦ಜೆರ್ 7.30 ವೊರಾರ್ ಅಶೆ೦ ದಿಸಾಕ್ ದೋನ್ ಪಾವ್ಟಿ೦ ಕೊ೦ಕ್ಣೆ೦ತ್ ದೆವಾಚೆ೦ ಉತಾರ್ 'ಬಿಗ್‌ಜೆ' ಟಿವಿಚೆರ್ ಆಮಿ ದೀವ್ನ್೦ಚ್ ಆಸಾ೦ವ್. ಹರ್ಯೆಕಾ ಸನ್ವಾರಾ 'ಡಿವೈನ್ ಕಮ್ಯುನಿಟಿ ಸೆ೦ಟರ್', ¤¢ü £ÀUÀgï, ನ೦ದನವನ ಲೇಔಟ್, ¥ÀÅ£ÀgÀÆgÀÄ, Q¤ßUÉÆÃ½. ಹಾ೦ಗಾಸರ್ ಎಕಾ ದಿಸಾಚಿ ರೆತಿರ್ ಸಕಾಳಿ೦ 9.00 ಥಾವ್ನ್ ದನ್ಪಾರಾ೦ 4.00 ವೊರಾ೦ ಪರ್ಯಾ೦ತ್ ಆಮಿ ಚಲೊವ್ನ್ ವರ್ತಾ೦ವ್. 'ಮಿಶನ್ ಮೀಡಿಯಾ' ಆಮ್ಚೆ೦ ಮಿಡಿಯಾ ಸೆ೦ಟರ್ ಟಿವಿ ಕಾರ್ಯಕ್ರಮಾ೦, ಸಿಡಿ, ವಿಸಿಡಿ, ಡಿವಿಡಿ ಆನಿ ತಶೆ೦ಚ್ ಆಮ್ಚಿ೦ ಹೆರ್ ಕಾರ್ಯಕ್ರಮಾ೦ ಚಲೊವ್ನ್ ವರ್ತಾ. ತುಮ್ಕಾ೦ಯೀ ಆಮ್ಚೆ೦ ಸವೆ೦, ಸುವಾರ್ತೆಚೆ೦ ಕಾಮ್ ಮು೦ದರ್‍ಸುನ್ ವರು೦ಕ್ ಆಮಿ ಮೊಗಾಚೊ ಯೆವ್ಕಾರ್ ಮಾಗ್ತಾ೦ವ್. ದೆವಾನ್ ತುಮ್ಕಾ೦ ದಿಲ್ಲಿ೦ ದೆಣಿ೦ ದೆವಾಚಾ ಮಹಿಮೆ ಖಾತಿರ್ ಗಳ್ಸು೦ಕ್, ತುಮಿ೦ಯೀ ಆಮ್ಚೆ೦ ಸಾ೦ಗಾತಾ ಮೆಳಾ. ತುಮ್ಕಾ೦ ಅವ್ಕಾಸ್ ಆಮಿ೦ ಕರ್ನ್ ದಿತಾ೦ವ್. ತುಮಿ ಖುಶಿ ವ್ಹರ್ತಾತ್ ತರ್ ಆಮ್ಕಾ೦ ಸ೦ಪರ್ಕ್ ಕರಾ.

 ತಶೆ೦ಚ್, ತುಮ್ಚಿ೦ ತೆಸಾ೦ವಾ೦, ಗರ್ಜ್ಯೊ ವ ಹೆರ್ ಮಾಗ್ಣ್ಯಾಚಾ ಗರ್ಜಾ೦ಕ್ ಆಮ್ಕಾ೦ ಸ೦ಪರ್ಕ್ ಕರಾ ವ ತುಮಿ೦ ಆಮ್ಕಾ೦ ಯೇವ್ನ್ ಮೆಳೊ೦ಕ್ ಜಾಯ್ ತರ್ ಫೊನಾ೦ ಮುಖಾ೦ತ್ರ್ ವ ಇಮೇಯ್ಲಾ ಮುಖಾ೦ತ್ರ್ ಆಮ್ಕಾ೦ ಸ೦ಪರ್ಕ್ ಕರಾ. ಆಮ್ಚೊ ವಿಳಾಸ್: ಡಿವೈನ್ ಮಿಶನ್ ಸೊಸೈಟಿ, 'ಡಿವೈನ್ ಟವರ್', ನಿಧಿ ನಗರ್, ನ೦ದನವನ ಲೇಔಟ್, ಪುನರೂರು, ಕಿನ್ನಿಗೋಳಿ - 574150 ನಾ ತರ್ ಫೊನಾರ್ ಉಲೈಯಾ. ಆಮ್ಚೆ೦ ಫೊನ್ ನ೦ಬರ್ - +91-9845391050 (ಫಾದರ್ ಜೆರಿ),  +91-8105093901 (ಅಫೀಸ್ ನ೦ಬರ್) ಆಮ್ಚೊ ಇಮೇಯ್ಲ್ ವಿಳಾಸ್: [email protected]. ಖಾಸ್ಗಿ ಭೆಟ್ ವ ಕೌನ್ಸಿಲಿ೦ಗ್ ಜಾಯ್ ತರ್ ಮು೦ಗಡ್ ಫೊನಾರ್ ಬುಕ್ ಕರಾ. ತುಮಿ ಖುಶಿ ವ್ಹರ್ತಾತ್ ತರ್ ಹ್ಯಾ ಬರ್‍ಯಾ ಕಾಮಾಕ್ ತುಮ್ಚ್ಯಾ ಖುಶೆಚಿ ಕಾಣಿಕ್ ವ ದೆವಾಚೊ ವಾ೦ಟೊ (1/10th Tithe) ಡಿಡಿ ವ ಚೆಕ್ ವ ಮನಿಆರ್ಡಾರಾ ಮುಖಾ೦ತ್ರ್ ಆಮ್ಚ್ಯಾ ವಿಳಾಸಾಕ್ ಧಾಡಾ ವ ಡೈರೆಕ್ಟ್ ಆಮ್ಚ್ಯಾ ಎಕೌ೦ಟಾಕ್ ಧಾಡಾ. 'DIVINE MISSION SOCIETY', A/C No. 01172200077698,  ಕೆನರಾ ಬ್ಯಾ೦ಕ್, ಮುಲ್ಕಿ - 574154, ಮ೦ಗ್ಳುರ್.  

ಆಮಿ೦ ಕರ್ಚ್ಯಾ ದೈವಿಕ್ ಕಾಮಾ೦ತ್ ಸದಾ೦ಚ್ ತುಮ್ಕಾ೦ ಸ್ವಾಗತ್. ದೆವಾಚೆ೦ ಉತಾರ್ ಪರ್ಗಟ್ ಕರು೦ಕ್, ಸ್ತುತಿ ಗಾಯಾನ್ ಕರು೦ಕ್, ಸ೦ಗೀತ್ ಖೆಳೊ೦ಕ್, ಹೆರಾ೦ ಖಾತಿರ್ ಮಾಗೊ೦ಕ್ (ವಿನವ್ಣಿ೦) ವ ಟಿವಿಚೆರ್ ಸಾಕ್ಸ್ ದೀ೦ವ್ಕ್ ಆನಿ ಹೆರ್ ಅತ್ಮಿಕ್ ಕಾಮಾ೦ತ್ ತುಮ್ಕಾ೦ ಆಮಿ೦ ಸ್ವಾಗತ್ ಮ್ಹಣ್ತಾ೦ವ್.

ದೆವಾಚಿ೦ ವಿ೦ಚ್ಣಾರ್ ಆಶಿರ್ವಾದಾ೦ ತುಮ್ಚೆರ್ ಮಾಗೊನ್, ಆಮ್ಚೊ ಮೋಗ್ ಆನಿ ಸಹಾಕಾರ್ ತುಮ್ಕಾ೦ ಆಮಿ ಭಾಸಯ್ತಾ೦ವ್. ತುಮ್ಕಾ೦ ದೇವ್ ಬೊರೆ೦ ಕರು೦.

ಸದಾ೦ಚ್ ಕ್ರೀಸ್ತಾಚಾ ಸೆವೆ೦ತ್ ತುಮ್ಚೊ ಭಾವ್,

 
ಫಾ. ಜೆರಿ ಸಿಕ್ವೇರಾ,                             
ಸ೦ಸ್ಥಾಪಕ್,
ಡಿವೈನ್ ಮಿಶನ್ ಸೊಸೈಟಿ, ಪುನರೂರು - ಮ೦ಗ್ಳುರ್.

 

Add comment


Security code
Refresh

PRAYER REQUEST

Send your Prayer Request to [email protected]

or

Mob: +91-9845391050

ONE IN CHRIST

TESTIMONIALS

ಧರ್ಮಾ ಧರ್ಮಾನ್ ಮನಿಸ್ ಜಾಲಾ ಸಯ್ತಾನ್!

ಸ್ವಾಸ್ ದಿಲಾ ದೆವಾನ್
ನ್ಹಯ್ ಮನ್ಶಾನ್
ಪೂಣ್ ವಿಪರ್ಯಾಸ್
ಮನ್ಶಾಚೊ ಸ್ವಾಸ್
ವೆತಾ ಮನ್ಶಾ ಧರ್ಮಾನ್!

ತೆಣೆಂಯ್ ಖುನಿ ರಾಗಾನ್
ಹೆಣೆಂಯ್ ಖುನಿ ದ್ವೆಷಾನ್
ಖುನಿ ಧರ್ಮಾ ಖಾತಿರ್
ಆನಿ ಹ್ಯಾ ಧರ್ಮಾ ಧರ್ಮಾನ್
ಮನಿಸ್ ಜಾಲಾ ಸಯ್ತಾನ್!

ರಗ್ತಾಂತ್ ಆಸಾ ಜೀವ್
ಆನಿ ಹೊ ಜೀವ್
ಬೊಬ್ ಮಾರ್‍ತಾ ದೆವಾಕ್
ತರ್‌ಯಿ ರಗ್ತಾಚಿ ಬೊಬಾಟ್
ಆಯ್ಕನಾ ಮನ್ಶಾಕ್!

ಜೊ ಕಾಡ್ತಾ ಜೀವ್
ತೊ ವಳ್ಕತಾ ಧರ್ಮಾಕ್
ಪೂಣ್ ವಳ್ಕನಾ ದೆವಾಕ್
ಹೆಂ ಅಪುಟ್ ಸತ್
ಕೆದ್ನಾಂ ಕಳತ್ ಮನ್ಶಾಕ್?

ದೇವ್ ಮ್ಹಳ್ಯಾರ್ ಮೋಗ್
ನ್ಹಯ್ ಧರ್ಮ್
ದೆಕುನ್ ಮನ್ಶಾನ್
ಜಣಾ ಜಾಯ್ಜೆ ದೆವಾಕ್
ನ್ಹಯ್ ಧರ್ಮಾಕ್!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ

WHO IS ONLINE

We have 310 guests and no members online

FOUNDER/ DIRECTOR

FrJerrySequeira

MISSION MEDIA

UPCOMING EVENTS

One Day Retreat

Friday One Day Retreat
Fri Jun 20 @ 8:00AM - 04:00PM
Saturday One Day Retreat
Sat Jun 21 @ 8:00AM - 04:00PM
Friday One Day Retreat
Fri Jun 27 @ 8:00AM - 04:00PM

Residential Retreat

July 2025 - Residential Retreat
Sun Jul 13 @ 5:30PM - Thu Jul 17 @ 2:00PM
August 2025 - Residential Retreat
Sun Aug 10 @ 5:30PM - Thu Aug 14 @ 2:00PM
September 2025 - Residential Retreat
Sun Sep 14 @ 5:30PM - Thu Sep 18 @ 2:00PM

ದೊಳೆ!

ದೊಳೆ ಜರ್ ಖೊಟೆ
ತರ್ ತೆ ಮ್ಹಣ್ತಲೆ
ಹೆಂ ಪಳೆ
ತೆಂ ಪಳೆ
ದೊಳೆ ಸೊಡ್ನ್ ಪಳೆ!

ದೊಳೆ ಜರ್ ಪುಚ್ಚೆ
ತರ್ ತೆ ಮ್ಹಣ್ತಲೆ
ದೂದ್ ಪಿಯೆ
ಚೊರ್‍ನ್ ಪಿಯೆ
ದೊಳೆ ಧಾಂಪುನ್ ಪಿಯೆ!

ದೊಳೆ ಜರ್ ಬುರ್ಶೆ
ತರ್ ತೆ ಮ್ಹಣ್ತಲೆ
ಅಶೆಂ ಪಳೆ
ತಶೆಂ ಪಳೆ
ತೆಂ ನಿಳ್ಶೆಂ ಪಳೆ!

ದೊಳೆ ಜರ್ ವಾಂಕ್ಡೆ
ತರ್ ವೊನಿಯೆಕ್ ಮ್ಹಣ್ತಲೆ
ಏ ವೊನಿಯೆ
ಘುಂವ್ಡಾವ್ನ್ ದೊಳೆ
ತುಜ್ಯಾ ದೆರಾಕ್ ಪಳೆ!

ದೊಳೆ ಜರ್ ತಿಂಕ್ಡೆ
ತರ್ ದೆರಾಕ್ ಮ್ಹಣ್ತಲೆ
ಕುಶಿನ್ ಪಳೆ
ಆಶೆನ್ ಪಳೆ
ಪೆಲ್ಯಾಚ್ಯಾ ಸ್ರಿಯೆಕ್ ಪಳೆ!

ದೊಳೆ ಜರ್ ಅಸಲೆ
ತರ್ ಉತ್ರಾ ಪರ್ಮಾಣೆಂ
ಹೆ ನಾಡ್ಚೆ ದೊಳೆ
ಪಾತ್ಕಾಕ್ ವೊಡ್ಚೆ ದೊಳೆ
ಕೊಂಕುನ್ ಕಾಡ್ಚೆ ಬರೆ!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ