Main Promo Images
ತಿಂ ಪಯ್ಣಾರಿ
ಸಂತೊಸಾನ್ ಉಬ್ತಾಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್ಲಿ
ತಿ ಆಕ್ರೆಚಿ ಘಡಿ!
ಹಾ! ಕಸಲಿ ಘಡಿ
ತಿ ಆಕ್ರೆಚಿ ಘಡಿ
ವ್ಹಡ್ ಆಕಾಂತಾಚಿ
ಉಜೊ ಲಾಗ್ಚಿ
ಆನಿ ಉಜೊ ಪೆಟ್ಚಿ!
ತಿಂ ಬಸ್ಲಲಿಂ
ವಿಮಾನಾರ್ ಬಸ್ಲಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್ಲಿ
ತಿ ನಿಮಾಣಿ ಘಡಿ!
ಹಾ! ಕಸಲಿ ಘಡಿ
ತಿ ನಿಮಾಣಿ ಘಡಿ
ವ್ಹಡ್ ಆಕ್ಲಾಸಾಚಿ
ಕೂಡ್ ಝಳ್ಚಿ
ಆನಿ ಕೂಡ್ ಲಾಸ್ಚಿ!
ತಿಂ ಜಿವಿಂ ತರ್ಯಿ
ಲಾಂಕ್ಡಾ ಪರಿಂ ಝಳ್ಳಿಂ
ಝಳುನ್ ಜಿವಿಂ
ಆನಿ ಕರ್ಪುನ್ ಸಗ್ಳಿಂ
ಘಡ್ಯೆನ್ ಮೆಲಿಂ!
ತಿಂ ನ್ಹಯ್ ಚಡ್ ಪಾತ್ಕಿ
ವಿಮಾನಾ ಭಿತರ್ ಮೆಲಲಿಂ
ವಾ ಭಾಯ್ರ್ ಮೆಲಲಿಂ
ಆನಿ ಆಮಿ ನ್ಹಯ್ ಬರಿಂ
ತಾಂಚ್ಯೆ ಪ್ರಾಸ್ ಬರಿಂ!
ಹಿಂ ಅವ್ಗಡಾಂ ಅಸಲಿಂ
ಜಾಗಯ್ತಾತ್ ಹರೆಕ್ ಪಾವ್ಟಿಂ
ಬದ್ಲುಂಕ್ ಪಾತ್ಕಿ ಜಿಣಿ
ಯೆಂವ್ಚ್ಯೆ ಆದಿಂ ಆಮ್ಚಿಯ್
ತಿ ನಿಮಾಣಿ ಘಡಿ!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
Saturday One Day Retreat Sat Jun 21 @ 8:00AM - 04:00PM |
Friday One Day Retreat Fri Jun 27 @ 8:00AM - 04:00PM |
Saturday One Day Retreat Sat Jun 28 @ 8:00AM - 04:00PM |
July 2025 - Residential Retreat Sun Jul 13 @ 5:30PM - Thu Jul 17 @ 2:00PM |
August 2025 - Residential Retreat Sun Aug 10 @ 5:30PM - Thu Aug 14 @ 2:00PM |
September 2025 - Residential Retreat Sun Sep 14 @ 5:30PM - Thu Sep 18 @ 2:00PM |
ದೊಳೆ ಜರ್ ಖೊಟೆ
ತರ್ ತೆ ಮ್ಹಣ್ತಲೆ
ಹೆಂ ಪಳೆ
ತೆಂ ಪಳೆ
ದೊಳೆ ಸೊಡ್ನ್ ಪಳೆ!
ದೊಳೆ ಜರ್ ಪುಚ್ಚೆ
ತರ್ ತೆ ಮ್ಹಣ್ತಲೆ
ದೂದ್ ಪಿಯೆ
ಚೊರ್ನ್ ಪಿಯೆ
ದೊಳೆ ಧಾಂಪುನ್ ಪಿಯೆ!
ದೊಳೆ ಜರ್ ಬುರ್ಶೆ
ತರ್ ತೆ ಮ್ಹಣ್ತಲೆ
ಅಶೆಂ ಪಳೆ
ತಶೆಂ ಪಳೆ
ತೆಂ ನಿಳ್ಶೆಂ ಪಳೆ!
ದೊಳೆ ಜರ್ ವಾಂಕ್ಡೆ
ತರ್ ವೊನಿಯೆಕ್ ಮ್ಹಣ್ತಲೆ
ಏ ವೊನಿಯೆ
ಘುಂವ್ಡಾವ್ನ್ ದೊಳೆ
ತುಜ್ಯಾ ದೆರಾಕ್ ಪಳೆ!
ದೊಳೆ ಜರ್ ತಿಂಕ್ಡೆ
ತರ್ ದೆರಾಕ್ ಮ್ಹಣ್ತಲೆ
ಕುಶಿನ್ ಪಳೆ
ಆಶೆನ್ ಪಳೆ
ಪೆಲ್ಯಾಚ್ಯಾ ಸ್ರಿಯೆಕ್ ಪಳೆ!
ದೊಳೆ ಜರ್ ಅಸಲೆ
ತರ್ ಉತ್ರಾ ಪರ್ಮಾಣೆಂ
ಹೆ ನಾಡ್ಚೆ ದೊಳೆ
ಪಾತ್ಕಾಕ್ ವೊಡ್ಚೆ ದೊಳೆ
ಕೊಂಕುನ್ ಕಾಡ್ಚೆ ಬರೆ!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
We have 334 guests and no members online