Main Promo Images
ಉಲಯ್ತಲ್ಯಾ ತ್ಯಾ ಸರ್ವೆಸ್ಪರಾಕ್
ನಮಸ್ಕಾರ್ ಕರ್ಯಾಂ
ಉಲಯ್ನಾಸ್ಲಲ್ಯಾ ಬೊಂಬ್ಯಾಂಕ್
ವಾ ಮೂರ್ತಿಂಕ್ ನ್ಹಯ್!
ಜಿವಿತ್ ದಿತಲ್ಯಾ ಸೊಮ್ಯಾಕ್
ಆರಾಧನ್ ಕರ್ಯಾಂ
ಲುಟ್ತಲ್ಯಾ ಲುಸಿಫೆರಾಕ್
ವಾ ದೆಂವ್ಚಾರಾಕ್ ನ್ಹಯ್!
ದೆಣ್ಯಾಂಚ್ಯಾ ಪವಿತ್ರ್ ಅತ್ಮ್ಯಾಕ್
ಮಹಿಮಾ ದಿವ್ಯಾಂ
ಭೊಂವ್ಚ್ಯಾ ಅಶುದ್ಧ್
ವಾ ಖೊಟ್ಯಾ ಅತ್ಮ್ಯಾಕ್ ನ್ಹಯ್!
ಸರ್ಗಿಂಚ್ಯಾ ತ್ರಿಏಕ್ ದೆವಾಕ್
ಮಾನ್ ದಿವ್ಯಾಂ
ತಾಚ್ಯೆ ಬಗರ್ ರುಪ್ಣ್ಯಾಂಕ್
ವಾ ಖಂಯ್ಚ್ಯಾಯ್
ರಚ್ಣಾಂಕ್ ನ್ಹಯ್!
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ - ಅಲಂಗಾರ್
Fri Apr 16, 2021 Friday Retreat 08:00AM - 04:00PM |
Sat Apr 17, 2021 Saturday Retreat 08:00AM - 04:00PM |
Fri Apr 23, 2021 Friday Retreat 08:00AM - 04:00PM |
ಧಾನ್ಧರ್ಮ್ ಆಮಿ ಕರ್ಚೆಂ
ಜಾಂವ್ ತೆಂ ಲಾಖಾಂಚೆಂ
ಜರ್ ಕೆಲೆಂ ಬ್ಯಾಂಡ್ ಫುಂಕ್ಚೆಂ
ತರ್ ಜೊಡಿತ್ ತೆಂ ಕಶೆಂ
ಪೂನ್ ವಯ್ಲ್ಯಾ ಸರ್ಗಿಂಚೆಂ
ದೋನ್ ಪುಣಿ ಪಯ್ಶಾಂಚೆಂ!
ಪೂಣ್ ದಾನ್ ತೆಂ ದಿಂವ್ಚೆಂ
ದುರ್ಬಳ್ಯೆ ವಿಧ್ವಿ ಸಾರ್ಕೆಂ
ಆಪ್ಲ್ಯೆಚ್ ತಾನ್ ಭುಕೆಚೆಂ
ಜಾಯ್ತ್ ಜೊಡ್ನ್ ದಿಂವ್ಚೆಂ
ಪೂನ್ ಖರೆಂಚ್ ಸರ್ಗಿಂಚೆಂ
ತ್ಯಾ ಲಾಖಾಂ ಪ್ರಾಸ್ ವರ್ತೆಂ
ಮಾಗ್ಣೆಂ ಜಾಂವ್ ವರಾಂಚೆಂ
ಪ್ರಾಚಿತ್ ಚಾಳಿಸ್ ದಿಸಾಂಚೆಂ
ಜರ್ ಕೆಲೆಂ ಕಪಟ್ಯಾ ಸಾರ್ಕೆಂ
ತರ್ ಬಾಪ್ ಪಳೆತ್ ಕಶೆಂ
ಫಾಯ್ದೊ ಮೆಳತ್ ಕಿತೆಂ
ಬಡ್ಬಡ್ಲ್ಯಾರ್ ಆಮಿ ಜಾಯ್ತೆಂ!
ಪೂಣ್ ಮಾಗ್ಣೆಂ ಖಾಲ್ತೆಂ
ವಾ ಉಪಾಸ್ ಗುಟಾನ್ ಕರ್ಚೆಂ
ಸೊಮ್ಯಾನ್ ಸಾಂಗ್ಲಾಂ ತಶೆಂ
ಜಾಯ್ತ್ ಸಗ್ಳೆಂ ಭಕ್ತಿಚೆಂ
ಬಾಪಾಕ್ ಆಮ್ಚ್ಯಾ ಮೆಚ್ವುಂಚೆಂ
ಶತ್ ಪ್ರತಿಶತ್ ಪ್ರತಿಫಳ್ ಜೊಡ್ಚೆಂ
- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ - ಅಲಂಗಾರ್
We have 159 guests and no members online