Main Promo Images
January 17, 2025: One day retreat starts from 08:00 am to 04:00 pm
ತಿಂ ಪಯ್ಣಾರಿ
ಸಂತೊಸಾನ್ ಉಬ್ತಾಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್ಲಿ
ತಿ ಆಕ್ರೆಚಿ ಘಡಿ!
ಹಾ! ಕಸಲಿ ಘಡಿ
ತಿ ಆಕ್ರೆಚಿ ಘಡಿ
ವ್ಹಡ್ ಆಕಾಂತಾಚಿ
ಉಜೊ ಲಾಗ್ಚಿ
ಆನಿ ಉಜೊ ಪೆಟ್ಚಿ!
ತಿಂ ಬಸ್ಲಲಿಂ
ವಿಮಾನಾರ್ ಬಸ್ಲಲಿಂ
ಪೂಣ್ ನೆಣಾ ಆಸ್ಲಿಂ
ವಿಮಾನಾ ಭಿತರ್ಲಿ
ತಿ ನಿಮಾಣಿ ಘಡಿ!
ಹಾ! ಕಸಲಿ ಘಡಿ
ತಿ ನಿಮಾಣಿ ಘಡಿ
ವ್ಹಡ್ ಆಕ್ಲಾಸಾಚಿ
ಕೂಡ್ ಝಳ್ಚಿ
ಆನಿ ಕೂಡ್ ಲಾಸ್ಚಿ!
ತಿಂ ಜಿವಿಂ ತರ್ಯಿ
ಲಾಂಕ್ಡಾ ಪರಿಂ ಝಳ್ಳಿಂ
ಝಳುನ್ ಜಿವಿಂ
ಆನಿ ಕರ್ಪುನ್ ಸಗ್ಳಿಂ
ಘಡ್ಯೆನ್ ಮೆಲಿಂ!
ತಿಂ ನ್ಹಯ್ ಚಡ್ ಪಾತ್ಕಿ
ವಿಮಾನಾ ಭಿತರ್ ಮೆಲಲಿಂ
ವಾ ಭಾಯ್ರ್ ಮೆಲಲಿಂ
ಆನಿ ಆಮಿ ನ್ಹಯ್ ಬರಿಂ
ತಾಂಚ್ಯೆ ಪ್ರಾಸ್ ಬರಿಂ!
ಹಿಂ ಅವ್ಗಡಾಂ ಅಸಲಿಂ
ಜಾಗಯ್ತಾತ್ ಹರೆಕ್ ಪಾವ್ಟಿಂ
ಬದ್ಲುಂಕ್ ಪಾತ್ಕಿ ಜಿಣಿ
ಯೆಂವ್ಚ್ಯೆ ಆದಿಂ ಆಮ್ಚಿಯ್
ತಿ ನಿಮಾಣಿ ಘಡಿ!!
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
Friday One Day Retreat Fri Jul 04 @ 8:00AM - 04:00PM |
Saturday One Day Retreat Sat Jul 05 @ 8:00AM - 04:00PM |
Friday One Day Retreat Fri Jul 11 @ 8:00AM - 04:00PM |
No events |
ಸರ್ಗಾ ಮಧ್ಲೊ
ಆನಿ ಸಂಸಾರಾ ಮಧ್ಲೊ
ಮಧ್ಯಸ್ತ್ ಎಕ್ಲೊ
ತಾಚ್ಯೆ ಶಿವಾಯ್ ನಾ ಆನ್ಯೆಕ್ಲೊ
ಜೆಜುಚ್ ತೊ ಪೂತ್ ಬಾಪಾಚೊ
ಹಾಂವ್ಚ್ ವಾಟ್ ಮ್ಹಳ್ಳೊ
ಎಕ್ಚ್ ಭರ್ವಸೊ ಆಮ್ಚೊ
ಸರ್ಗಾ ರಾಜಾಚೊ
ದೆವಾ ಮಧ್ಲೊ
ಆನಿ ಮನ್ಶಾಂ ಮಧ್ಲೊ
ಮಧ್ಯಸ್ತ್ ಎಕ್ಲೊ
ತಾಚ್ಯೆ ಶಿವಾಯ್ ನಾ ದುಸ್ರೊ
ಜೆಜುಚ್ ತೊ ಪೂತ್ ದೆವಾಚೊ
ಹಾಂವ್ಚ್ ಸತ್ ಮ್ಹಳ್ಳೊ
ಎಕ್ಚ್ ಭರ್ವಸೊ ಆಮ್ಚೊ
ಸರ್ವ್ ಯಾತ್ರಿಕಾಂಚೊ
ಬಾಪಾ ಮಧ್ಲೊ
ಆನಿ ಭುರ್ಗ್ಯಾಂ ಮಧ್ಲೊ
ಮಧ್ಯಸ್ತ್ ಎಕ್ಲೊ
ತಾಚ್ಯೆ ಶಿವಾಯ್ ನಾ ಆನ್ಯೆಕ್ಲೊ
ಜೆಜುಚ್ ತೊ ಪೂತ್ ಬಾಪಾಚೊ
ಹಾಂವ್ಚ್ ಜಿವಿತ್ ಮ್ಹಳ್ಳೊ
ಎಕ್ಚ್ ಭರ್ವಸೊ ಆಮ್ಚೊ
ಸಾಸ್ಣಿಕ್ ಜಿವಿತಾಚೊ
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ
We have 212 guests and no members online