Main Promo Images
ಸೊಸುಂಕ್ ನಾ ಆಮಿ ದಗ್ದಣಿ
ಎಕಾ ದಿಸಾಚಿ ಪುಣ್ಯಿ
ತರ್ಯಿ ಆಮ್ಚಿ ಖಂತ್ ಕಿತ್ಲಿ
ಹಾ! ಸಾಂಗ್ಚಿ ನ್ಹಯ್ ತಿತ್ಲಿ!
ಜರ್ ಆಮಿ ತ್ಯೆ ಕ್ರಿಸ್ತಾಚಿಂ
ತರ್ ಸೊಸಿಜೆ ಆಮಿ ದಗ್ದಣಿ
ಆನಿ ನಾಕಾ ತರ್ ತಿ ದಗ್ದಣಿ
ಖುರ್ಸಾವಾಟ್ ಕಿತ್ಯಾಕ್ ಕರ್ಚಿ?
ಹಿ ಪಾಡ್ತ್ ಜಿಕುಂದಿ
ಅನಿ ತಿ ಪಾಡ್ತ್ ಸಲ್ವುಂದಿ
ಆತಾಂ ಮಾಗ್ಣಿಂ ಕಿತ್ಲಿಂ
ಅನ್ಭಾವಾಡ್ತ್ಯಾಂ ಪರಿಂ!
ಕೊಂಗ್ರೆಸ್ ವಾ ಬಿಜೆಪಿ
ಕೊಣ್ಯಿ ಸರ್ಕಾರ್ ರಚುಂದಿ
ಜಿಣಿ ಮಾತ್ರ್ ಜಾಯ್ಜೆ ಅಮ್ಚಿ
ಕಷ್ಟಾಂತ್ಯಿ ಕ್ರಿಸ್ತಾಕ್ ಸಾಕ್ಸ್ ದಿಂವ್ಚಿ
ಆಮಿ ನ್ಹಯ್ ಹ್ಯಾ ಸಂಸಾರಾಚಿಂ
ಬಗರ್ ತ್ಯಾ ಸರ್ಗಿಂಚಿಂ
ತರ್ ಕಿತ್ಯಾಕ್ ತಿ ಖಂತ್ ಕರ್ಚಿ
ಮಾರ್ಲ್ಯಾರ್ಯಿ ಆಮ್ಕಾಂ ಜಿವೆಶಿಂ?
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್
We have 265 guests and no members online
No events |
5 Days Residential Retreat Sun May 05 @ 5:30PM - Thu May 09 @ 2:00PM |
ದೆವಾಚ್ಯಾ ಅತ್ಮ್ಯಾ
ದೆಂವುನ್ ಯೆ
ಆಮ್ಚ್ಯೆ ವೆರಿ
ವಿವಿಧ್ ರುಪಾಂನಿ
ಜಾಂವ್ಚ್ಯಾಕ್ ಆಮಿ
ತುಜ್ಯೆ ಪರಿಂ
ಸರ್ವ್ ಬರಿಂ
ಸತಾಚ್ಯಾ ಅತ್ಮ್ಯಾ
ದೆಂವುನ್ ಯೆ
ಆಮ್ಚ್ಯೆ ವೆರಿ
ವಿವಿಧ್ ಸಬ್ದಾಂನಿ
ಜೊಡ್ಚಾಕ್ ಆಮಿ
ಜಾಣ್ವಾಯ್ ಖರಿ
ಸಂಪೂರ್ಣ್ ಸತಾಚಿ
ಸಾತ್ವಿಕ್ ಅತ್ಮ್ಯಾ
ದೆಂವುನ್ ಯೆ
ಆಮ್ಚ್ಯೆ ವೆರಿ
ವಿವಿಧ್ ದೆಣ್ಯಾಂನಿ
ದಿಂವ್ಚಾಕ್ ಆಮಿ
ಬಾರಾ ಫಳಾಂ ತಿಂ
ಉರ್ಚ್ಯೆ ತಸಲಿಂ
ಪವಿತ್ರ್ ಅತ್ಮ್ಯಾ
ದೆಂವುನ್ ಯೆ
ಆಮ್ಚ್ಯೆ ವೆರಿ
ವಿವಿಧ್ ಥರಾಂನಿ
ಕರ್ಚಾಕ್ ಆಮಿ
ಹಿ ಜಿಣಿ ಆಮ್ಚಿ
ಪವಿತ್ರ್ ಆನಿ ನಿರ್ದೊಶಿ
- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್