Send your Prayer Request to [email protected]

or

Mob: +91-9845391050

ಲೂಕ್ 12: 35-40

ಸೊಮಾರ್ ವಾ ಮಂಗ್ಳಾರ್
ಸುಕ್ರಾರ್ ವಾ ಸನ್ವಾರ್
ಏಕ್ ಮಾತ್ರ್
ಉಗ್ಡಾಸ್ ದವರ್

ಸೊಮಿ ಆಪಯ್ತ್
ತುರ್ತಾನ್ ಆಪಯ್ತ್
ಕಮಾರ್ ಬಾಂದುಕ್
ವೇಳ್ ಪಾವತ್?

ದೀಸ್ ಖಂಯ್ಚೊಯ್ ಜಾಂವ್
ಚೊವಿಸ್ ವರಾಂಯ್
ತಯಾರ್ ರಾವ್
ಕಮರ್ ಬಾಂದುನ್ ರಾವ್

ಬಾರಾಂಕ್ ವಾ ಚಾರಾಂಕ್
ಮಧ್ಯಾನೆರ್ ವಾ ಫಾಂತ್ಯಾರ್
ಏಕ್ ಮಾತ್ರ್
ಮತಿಂತ್ ದವರ್

ಧನಿ ಬಡಯ್ತ್
ದರಾರ್ ಬಡಯ್ತ್
ದಿವೊ ಪೆಟೊಂವ್ಕ್
ಜಾಗ್ ಜಾಯ್ತ್?

ವೇಳ್ ಖಂಯ್ಚೊಯ್ ಜಾಂವ್
ಚೊವಿಸ್ ವರಾಂಯ್
ಜಾಗೊ ರಾವ್
ದಿವೊ ಪೆಟೊವ್ನ್ ರಾವ್

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ