b01347"ಜಾಣ್ವಾಯೆ೦ತ್ ಏಕ್ ಅತ್ಮೊ ಆಸಾ, ಹೊ ಆತ್ಮೊ ಬುಧ್ವ೦ತ್, ಪವಿತ್ರ್, ಅಪ್ರತಿಮ್, ಜಿನಸೆವಾಕ್, ಸೂಕ್ಷ್ಮ್, ಸುಡ್ಸುಡಿತ್, ತೀಕ್ಷ್ಣ್, ನಿರ್ಮಳ್, ನಿತಳ್, ಅಖ೦ಡ್, ದಯಾಳ್, ಚತುರ್ ಆಡಾ೦ವ್ಕ್ ನಜೊ ಆಸ್ಲಲೊ, ಉಪ್ಕಾರಿ ಮನ್ಶಾ೦ಕ್ ಮೊಗಾಳ್, ಥಿರ್, ಸುರಕ್ಷಿತ್, ಪ್ರಶಾ೦ತ್, ಸರ್ವ್ ಪದ್ವೆದಾರ್, ಸರ್ವೇಕ್ಷಕ್, ಆನಿ ತೊ ಸರ್ವ್ ಬುಧ್ವ೦ತ್, ನಿರ್ಮಳ್ ಆನಿ ಸೂಖ್ಷ್ಮ್ ಅತ್ಮ್ಯಾ೦ನಿ ವ್ಯಾಪಕ್ ಜಾವ್ನಾಸಾ."  (ಜಾಣ್ವಾಯ್ 7:22-23)

ಸ೦ಸಾರಾಕ್ ಲಬ್ದಲ್ಲೊ ಮನಿಸ್ ಹ್ಯಾ ಸ೦ಸಾರಾಚ್ಯಾ ಜಾಣ್ವಾಯೆಕ್ ಚಡ್ ಆನಿ ಚಡ್ ಆಶೆತಾ. ಚಡ್ ಶಿಕಾಪ್, ಚಡ್ ಗ್ರೇಸ್ತ್‌ಕಾಯ್, ವಡ್ವಿಕ್, ಪದ್ವಿ, ನಾ೦ವ್ ಆನಿ ಹೊ ಸ೦ಸಾರ್ ಕಿತೆ೦ ದಿತಾ ತೆ೦ ಸಗ್ಳೆ೦ ತೊ ಆಶೆತಾ. ಪೂಣ್ ದೈವಿಕ್ ಜಾಣ್ವಾಯ್ ಸ೦ಸಾರಾಚಾ ಖ೦ಚಾಯ್ ಪುಸ್ತ೦ಕಾ ಥಾವ್ನ್ ಯೇನಾ, ಬಗಾರ್ ದೆವಾಚೆ೦ ಧರ್ಮ್‌ಶಾಸ್ತ್ರ್ ಆಟಾಪುನ್ ಆಸ್ಚಾ 'ಪವಿತ್ರ್ ಪುಸ್ತಕಾ' ಥಾವ್ನ್ ಯೆತಾ. "ಉಗಡ್ ಮ್ಹಜೆ ದೊಳೆ ಆನಿ ತುಜ್ಯಾ ಧರ್ಮ್‌ಶಾಸ್ತ್ರಾಚಿ೦ ವಿಸ್ಮಿತಾ೦ ಹಾ೦ವ್ ದೆಕ್ತಲೊ೦" (ಕೀರ್ತನಾ೦ 119:18). ದೆವಾಚಾ ತೊ೦ಡಾ ಥಾವ್ನ್ ಭಾಯ್ರ್ ಸರ್‌ಲ್ಲೆ೦ ಹರ್ಯೇಕ್ ಉತರ್ ಹ್ಯಾ ಪುಸ್ತಕಾ೦ತ್ ಬರೊವ್ನ್ ಆಸಾ. "ಕಿತ್ಯಾಕ್ ಸರ್ವೆಸ್ಪರ್ ಜಾಣ್ವಾಯ್ ದಿತಾ. ತಾಚ್ಯಾ ತೊ೦ಡಾ೦ತ್ಲಿ೦ ಯೆತಾತ್ ಗಿನ್ಯಾನ್ ಆನಿ ಸಮ್ಜೊಣಿ (ಮ್ಹಣ್ಣ್ಯೊ 2:6). ಸಗ್ಳಿ ಜಾಣ್ವಾಯ್ ದೆವಾ ಥಾವ್ನ್ ಯೆತಾ, ತಿ ಸಾಸ್ಣಾಕ್ ತಾಚೆ ಸವೆ೦ ಆಸಾ" (ಸಿರಾಖ್ 1:1)

ಪರ್ನ್ಯಾ ಸೊಲ್ಲ್ಯಾ೦ತ್ ಜೆಜು ಆಬ್ರಾಹಾಮಾಕಡೆ, ಮೊಯ್ಜೆಕಡೆ ಆನಿ ಸಬಾರ್ ಪ್ರವಾದಿ೦ಕಡೆ ಉಲೊವ್ನ್ ಅಶೆ೦ ಮ್ಹಣ್ತಾ - "ಕಿತ್ಯಾಕ್ ಸರ್ವೆಸ್ಪರ್ ತುಮ್ಚೊ ದೇವ್ ಕಾಕುಳ್ತಿಚೊ ದೇವ್, ತೊ ತುಮ್ಕಾ೦ ಸಾ೦ಡ್ಚೊ ನಾ ವಾ ತುಮ್ಚೊ ನಾಸ್ ಕರ್‍ಚೊ ನಾ ವಾ ತಾಣೆ೦ ತುಮ್ಚ್ಯಾ ಪೂರ್ವಜಾ೦ ಕಡೆ ಸಪುತ್ ಘೆವ್ನ್ ಕೆಲ್ಲೊ ಸೊಲ್ಲೊ ವಿಸರ್‍ಚೊ ನಾ" (ದ್ವಿತಿನಿಯಮ್ 4:31). ಹ್ಯಾ ಅ೦ತಿಮ್ ಕಾಳಾರ್ ದೇವ್ ಆಪ್ಲ್ಯಾ ಕಾಕುಳ್ತಿ ವಿಶ್ಯಾ೦ತ್ ಆಪ್ಲ್ಯಾ ಪುತಾ ಜೆಜು ಮಾರಿಫತ್ ಉಲಯ್ತಾ. ಜೆಜು ಕಾಕುಳ್ದಾರ್ ದೇವ್ ಜಾವ್ನಾಸಾ. ಜೆಜು ಮನ್ಶಾಕುಳಾಚೊ ಇತ್ಲೊಯೀ ಮೋಗ್ ಕರ್‍ತಾ ಕೀ ತೊ ಆಶೆತಾ ಖ೦ಚಾಯೀ ಮನ್ಶಾನ್ ಆಪ್ಲ್ಯಾ ಕಾಕುಳ್ತಿನ್ ಬರಲ್ಲ್ಯಾ ಮೊಗಾ ಥಾವ್ನ್ ಚುಕೊವ್ನ್ ವಚನಾಯೆ ಬಗಾರ್ ತಾಚಾ ಕಾಕುಳ್ತಿನ್ ತೊ ತಾ೦ಕಾ ಗೂಣ್ ಕರು೦ಕ್ ಆಶೆತಾ. ಜೆಜು ಖ೦ಚಾಯೀ ಪಾತ್ಕ್ಯಾ೦ಕ್ ಶಿಕ್ಷಾ ದೀ೦ವ್ನ್ ಆಪೇಕ್ಷಿನಾ. "ಆಪ್ಲೆ೦ ಉತರ್ ಧಾಡುನ್ ತಾಣೆ೦ ತಾ೦ಕಾ ಬರಿ೦ ಕೆಲಿ೦, ತಾ೦ಚೊ ಜೀವ್ ನಾಸಾ೦ತ್ಲೊ ತಾಣೆ೦ ನಿವಾರ್‍ಲೊ" (ಕೀರ್ತನ್ 107:20).

"ಸಗ್ಳ್ಯಾ ತುಜಾ ಕಾಳ್ಜಾನ್, ಸಗ್ಳ್ಯಾ ತುಜಾ ಅತ್ಮ್ಯಾನ್, ಆನಿ ಸಗ್ಳ್ಯಾ ತುಜಾ ಮನಾನ್ ಸರ್ವೆಸ್ಪರಾಚೊ ತುಜಾ ದೆವಾಚೊ ಮೋಗ್ ಕರ್. ಹೊಚ್ ಅತೀ ಆನಿ ಪ್ರಥಮ್ ಉಪದೆಸ್. ಆನಿ ದುಸ್ರೊಯೀ ತಾಚೆ ಸಾರ್ಕೊ ತುಜೊ ಕರ್ತಾಯ್ ತಸೊ ತುಜ್ಯಾ ಪೆಲ್ಯಾಚೊ ಮೋಗ್ ಕರ್" (ಮಾತೆವ್ 22:37-39)

ಪವಿತ್ರ್ ಪುಸ್ತಕಾ೦ತ್ ದೆವಾನ್ ಆಮ್ಕ೦ ಫರ್ಮಾಯ್ಲ್ಯೊ ಹರ್ಯೇಕ್ ಆಜ್ನ್ಯಾ ಆಮಿ ಪಾಳು೦ಕ್ ಆಮ್ಕಾ೦ ಕಾಯ್ದೊ ಆಸಾ, ಶಿವಾಯ್ ದುಸ್ರಿ ವಾಟ್ ನಾ!! ಹೆ ದೋನ್ ವರ್ತೆ ದೆವಾಚೆ ಉಪದೆಸ್ ವಿಶ್ವಾಸ್‌ಪಣಿ ಆಮಿ ಪಾಳ್ತಾ೦ವ್ ಜಾಲ್ಯಾರ್, ದೆವಾಚಾ ಧಾ ಉಪದೆಸಾ ಪರ್ಮಾಣೆ ಆಮಿ ಚಲ್ತಾ೦ವ್ ಮ್ಹಣ್ ಆಮಿ ಸಾ೦ಗ್ಯೆತ್. "ಪೂಣ್ ದೆವಾಚೊ ಮೋಗ್ ಕರ್ತಾ ತಾಕಾ ದೇವ್ ವಳ್ಕಾತಾ" (1 ಕೊರಿ೦ಥ್ 8:3). "ಮೊಗಾಚ್ಯಾ೦ನೋ, ಆಮಿ ಎಕಾಮೆಕಾಚೊ ಮೋಗ್ ಕರುಯಾ೦, ಕಿತ್ಯಾಕ್ ಮೋಗ್ ದೆವಾ ಥಾವ್ನ್ ಯೆತಾ. ಜೊ ಕೋಣ್ ಮೋಗ್ ಕರ್ತಾ ತೊ ದೆವಾಚೊ ಭುರ್ಗೊ, ದೆವಾಕ್ ತೊ ಒಳ್ಕತಾ. ಪೂಣ್ ಮೋಗ್ ಕರಿನಾತ್ಲೆಲ್ಯಾಕ್ ದೆವಾಚಿ ಒಳಕ್‌ಚ್ಚ್ ನಾ, ಕಿತ್ಯಾಕ್ ದೇವ್ ಮ್ಹಳ್ಯಾರ್ ಮೋಗ್" (ಜುವಾ೦ವ್ಚೆ ಪಯ್ಲೆ೦ ಪತ್ರ್ 4:7-8)

1. 1972 ಮ್ಹಜೆ೦ ನಿಮಾಣೆ೦ ಭಯ್ಣ್ ಜಲ್ಮಾಲ್ಲ್ಯಾ ತೆದಳಾ ತಾಚ್ಯಾ ಜಿಬೆಕ್ ದಾಟ್ ಪಿಟೆ೦ ಜಾಲ್ಲೆ೦. ಮ್ಹಜ್ಯಾ ವ್ಹಡ್ಲಿಮಾ೦ಯ್ನ್ ಮ್ಹಕಾ ಸಾ೦ಗ್ಲೆ೦ ಪಯ್ಲ್ಯೊ 2 ಭಯ್ಣಿ೦ ಅಸ್ಯೊಚ್ಚ್ ಸರ್ಲೊಲ್ಯೊ. ತೆದ್ನಾ೦ ಹಾ೦ವೆ ಜೆಜುಕಡೆ ಮಾಗ್ಲೆ೦. ಹ್ಯಾ ಮ್ಹಜ್ಯಾ ಭಯ್ಣಿಕ್ ವರಿನಾಕಾ ಮ್ಹಣೊನ್. ಸಕಾಳಿ೦ ಪಳೆತಾನಾ ತಾಚ್ಯಾ ಜಿಬೆರ್ ಪಿಟೆ೦ ನಾತ್ಲೆಲೆ೦. ಮ್ಹಾಕಾ ಖುಶಿ ಜಾಲಿ. ಆನಿ೦ ಆಜ್ ಮ್ಹಾಕಾ ಕಳೊನ್ ಆಯ್ಲಾ೦. ಜೆಜು ತಾಚ್ಯಾ ಭುರ್ಗ್ಯಾ೦ಚೆ೦ ಮಾಗ್ಣೆ೦ ಆಯ್ಕಾತಾ ಮ್ಹಣೊನ್.

2. 1985 ಹಾ೦ವ್ ಬೊ೦ಬೈ೦ತ್ ಕಾಮಾಕ್ ವೆತಾನಾ೦ ಪಾಟಿ೦ ಯೆತಾನಾ೦ ಬಸ್ಸಾಚೆರ್ ರೈಲ್ ಗಾಡಿಯೆಚೆರ್ ಲೋಕಾನ್ ಬುರ್ಶೆ೦ ಉಲೊಣೆ೦ ಉಲೊ೦ವ್ಚೆ೦ ಬರೆ೦ ಲಾಗಾನಾತ್ಲೆ೦. ಏಕ್ ದೀಸ್ ಜೆಜುಕಡೆ ಮಾಗ್ಲೆ೦ ಮ್ಹಜೆ೦ ಕಾನ್ ಕೆಪ್ಪೆ ಕರ್ ದೆವಾ ಮ್ಹಣೊನ್. ದುಸ್ರೆ ದೀಸ್ ಕಾಮಾಕ್ ವೆತಾನಾ೦ ಮ್ಹಜೆ೦ ಕಾನ್ ಆಯ್ಕಾನಾ ಜಾಲೆ. ಆನಿ೦ ಮ್ಹಾಕಾ ಭೈ೦ ದಿಸ್ಲೆ೦. ಹ್ಯಾ ಪ್ರಾಯೆರ್ ಮ್ಹಜೆ ಕಾನ್ ಆಯ್ಕಾನಾ ಜಾಲ್ಯಾರ್ ಮ್ಹಾಕಾ ಕಷ್ಟ್ ಜಾಯ್ತ್. ಉಪ್ರಾ೦ತ್ ತ್ಯಾಚ್ ಘಡಿಯೆ ಮ್ಹಜಿ ಚೂಕ್ ಜಾಲಿ, ಮ್ಹಾಕಾ ಭೊಗ್ಶಿ ಜೆಜು ಮ್ಹಣೊನ್ ಮಾಫ್ ಮಾಗ್ಲೆ೦. ಥೊಡ್ಯಾಚ್ ವೆಳಾ ಉಪ್ರಾ೦ತ್ ಮ್ಹಜೆ ಕಾನ್ ಆಯ್ಕೊ೦ಕ್ ಲಾಗ್ಲೆ.

PRAYER REQUEST

Send your Prayer Request to [email protected]

or

Mob: +91-9845391050

ONE IN CHRIST

TESTIMONIALS

ತುಂ ಆನಿ ಹಾಂವ್ ಮಿಶನರಿ

ಅಮೆರಿಕಾ, ಆಫ್ರಿಕಾ
ವಾ ಯುರೊಪ್ ಪರ್ಗಾಂವ್
ಸಂಸಾರಿಂ ಸರ್ವ್ ಗಾಂವಾಂನಿ
ಗಾಜುಂ ಜೆಜುಚೆಂ ನಾಂವ್
ಏಶಿಯಾ, ಓಶಿನಿಯಾ
ವಾ ಆಮ್ಚೊಚ್ ಮಾಯ್ಗಾಂವ್
ಬರಿ ಖಬರ್ ತಿ ಸಗ್ಳ್ಯಾನ್‌ಯಿ
ವೆಗಿಂಚ್ ಪರ್ಗಟ್ ಜಾಂವ್
ಕ್ಲೆರಿಕ್, ಧಾರ್ಮಿಕ್
ವಾ ಲಾಯಿಕ್ ಆಮಿ ಕ್ರಿಸ್ತಾಂವ್
ಸಗ್ಳಿಂ ಭಾವ್‌ಭಯ್ಣಿ
ಸದಾಂಚ್ ಗೊವ್ಳಿಕ್ ಜಾಂವ್
ತುಂ ಅನಿ ಹಾಂವ್
ವಿಸ್ರನಾ ಜಾಂವ್ ಮಿಸಾಂವ್
ಆನಿ ಪರ್ಜಾಂಕ್ ಶಿಸ್ ಕರ್‍ಚಿಂ
ಧಾಡ್ಲಲಿಂ ಮಿಶನರಿ ಜಾಂವ್

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ - ಅಲಂಗಾರ್

FOUNDER/ DIRECTOR

FrJerrySequeira

MISSION MEDIA

UPCOMING EVENTS

No events

ಸಾಟ್ ಸತ್ತರ್ ಫೊಂಡಾ ಭಿತರ್?

ಸಾಟ್ ಸತ್ತರ್ ಫೊಂಡಾ ಭಿತರ್
ಚಿಂತಪ್ ತೆಂ ಇತ್ಲೆಂಚ್ ತರ್
ಮಾಗ್ಣೆಂ ರಜಾರ್ ಎಕ್ಯೆ ಜಾಗ್ಯಾರ್
ಮನಿಸ್ ನ್ಹಯ್ ಅನ್ಯೆಕ್ಯೆ ಜಾಗ್ಯಾರ್?

ಸಾಟ್ ಸತ್ತರ್ ವೆಗಿಂಚ್ ಸರ್ಗಾರ್
ಚಿಂತಪ್ ತೆಂ ಅಸಲೆಂ ತರ್
ದೆವಾಚೆಂ ತೆಂ ಉತರ್
ಪಡ್ಲಾಂ ನ್ಹಯ್ ಬರ್‍ಯೆ ಸುವಾತೆರ್?

ಸಾಟ್ ವರ್‍ಸಾಂ ಆನಿ ಉಪ್ರಾಂತ್
ಸ ಘುಟ್ ಗೂಂಡ್ ಫೊಂಡಾಂತ್
ಚಿಂತಪ್ ತೆಂ ಇತ್ಲೆಂಚ್ ಆಸತ್
ತರ್ ವ್ಯರ್ಥ್ ನ್ಹಯ್ ಭಾವಾಡ್ತ್?

ಜಾಂವ್ ಪಯ್ಲೆಂ ವಾ ಉಪ್ರಾಂತ್
ಜೆಜು ಕ್ರಿಸ್ತಾಚ್ಯಾ ಗೊಪಾಂತ್
ಚಿಂತಪ್ ತೆಂ ಅಸಲೆಂ ಉರತ್
ತರ್ ಜಿವಿತ್ ನ್ಹಯ್ ಶಾಶ್ವಿತ್?

- ಲ್ಯಾನ್ಸಿ ಕಾರ್ಡೊಜಾ, ತಾಕೊಡೆ - ಅಲಂಗಾರ್

WHOS ONLINE

We have 129 guests and no members online