Mahima Devak : Konkani
INR 150.00
 
Category:Books
Manufacturer:
  • Fr.Jerry Sequeira
"ವ್ಹಯ್, ಯೆತೆಲೆ ದೀಸ್ ಉಲಯ್ತಾ ತೊ ಸರ್ವೆಸ್ಪರ್ - ತ್ಯಾ ದಿಸಾ೦ನಿ ಹಾ೦ವ್ ದೇಶಾಚೆರ್ ದುಕೊಳ್ ಧಾಡ್ತಲೊ೦, ಲೋಕ್ ಭುಕೆತಲೊ, ಪೂಣ್ ಜೆವ್ಣಾಖಾಣಾಕ್ ನ್ಹಯ್, ಲೋಕ್ ತಾನೆತಾಲೊ, ಪೂಣ್ ಉದ್ಕಾಕ್ ನ್ಹಯ್, ಬಗಾರ್ ಸರ್ವೆಸ್ಪರಾಚೆ೦ ಉತಾರ್ ಆಯ್ಕೊ೦ಕ್." - (ಆಮೊಸ್. 8:11)

ವ್ಹಯ್ ಮೊಗಾಚಾ೦ನೊ, ಹ್ಯಾ ದಿಸಾ೦ನಿ ಹೊ ದುಕೊಳ್ ಪಡೊನ್ ಆಯಿಲ್ಲೊ ದಿಸ್ತಾ. ಸ೦ಸಾರಾರ್ ಲೋಕ್ ದೆವಾಚಾ ಉತ್ರಾ೦ ಖಾತಿರ್ ತಾನೆವ್ನ್ ಆಸಾ ಆನಿ ದೆವಾಚಾ ಉತ್ರಾ೦ಚಾ ಪರ್ಗಟ್ಪಣಾವರ್ವಿ೦ ಜಾಯ್ತೊ ಲೋಕ್ ದೆವಾ ಥ೦ಯ್ ಪರ್ತಾಲಾ. ಜೆಜುನ್ ಮ್ಹಳಾ೦ ಮಾತೆವಾಚಾ ವಾ೦ಜೆಲಾ೦ತ್, "ಸಮೇಸ್ತ್ ಪರ್ಜಾ೦ಕ್ ಸತ್ ಕಳಿತ್ ಜಾ೦ವ್ಚೆ ಖಾತಿರ್, ರಾಜಾಚಿ ಹಿ ಸುವಾರ್‍ತಾ ಸಗ್ಳ್ಯಾ ಸ೦ಸಾರಾರ್ ಪರ್ಗಟ್ ಜಾತಲಿ ಆನಿ ಉಪ್ರಾ೦ತ್ ಯೆತಲೊ ಅ೦ತ್" (ಮಾತೆವ್. 24:14). ಸ೦ಸಾರಾಚೊ ಅ೦ತ್ ಲಾಗಿ೦ ಪಾವ್ಲಾ೦ ಯಾ ನಾ ತೆ೦ ಆಮ್ಕಾ೦ ಕಳಿತ್ ನಾ೦. ಪೂಣ್ ಖ೦ಡಿತ್ ಜಾವ್ನ್ ದೆವಾಚೊ ಸಬ್ದ್ ಆಜ್ ಭರಾನ್ ಪ್ರಸಾರ್ ಜಾತಾ ಮ್ಹಳ್ಳೆ೦ ತೆ೦ ಆಮಿ ಆಮ್ಚಾಚ್ ದೊಳ್ಯಾ೦ನಿ ಪಳೆತಾ೦ವ್
 
ಸುವಾರ್‍ತೆಚೆ೦ ಹೆ೦ ಕಾಮ್ ಆಮಿ ಗೆಲೆತ್ಯಾ ಪ೦ದ್ರಾ ವರ್‍ಸಾ೦ ಥಾವ್ನ್ ಕರ್‍ನ್ ಆಸಾ೦ವ್ ಆನಿ ಜಾಯ್ತ್ಯಾ ಲೊಕಾಕ್ ದೆವಾಚಿ ವಳಕ್ ಕರ್‍ನ್ ದೀವ್ನ್ ದೆವಾ ಥ೦ಯ್ ಪರ್ತುನ್ ಆಸಾ೦ವ್. ಮಹಿಮಾ ದೆವಾಕ್ ಮ್ಹಳ್ಳೊ ದೈವಿಕ್ ಭಕ್ತಿ೦ಕ್ ಗಿತಾ೦ಚೊ ಬೂಕ್ ತುಮ್ಕಾ೦ ದೆವಾ ಥ೦ಯ್ ಆನಿಕೀ ಲಾಗಿ೦ ಹಾಡು೦ಕ್ ಆಮಿ೦ ಕರ್ಚೆ೦ ಲ್ಹಾನ್‌ಶೆ೦ ಸಾಧನ್ ಜಾವ್ನಾಸಾ. ಹ್ಯಾ ಆಮ್ಚ್ಯಾ ಸುವಾರ್‍ತಾ ಪರ್ಗಟ್ ಕರ್ಚಾ ಕಾಮಾ೦ತ್, ತುಮ್ಚೊ ಆಮಿ ಸಹಕಾರ್ ಆಶೆತಾ೦ವ್ ಆನಿ ತುಮ್ಕಾ೦ ಆಮಿ ಅಭಾರಿ ಜಾವ್ನಾಸಾ೦ವ್. ಸರ್ಗಿ೦ಚಾ ಬಾಪಾಚೊ ಬರ್ಪೂರ್ ಆಶೀರ್ವಾದ್ ಆನಿ ಜಾಯ್ತಿ ಕುರ್ಪಾ ತುಮ್ಚೆರ್ ಪಡೊ೦ದಿ ಮ್ಹಣ್ ಆಮ್ಚೆ೦ ಮಾಗ್ಣೆ೦. ದೆವಾಕ್ ಜಾ೦ವ್ ಅರ್ಗಾ೦, ಹೊಗ್ಳಾಪ್ ಆನಿ ಮಹಿಮಾ ಆತಾ೦ ಆನಿ ಸರ್ವದಾ೦.

ಬಾ! ಜೆರಿ ಸಿಕ್ವೇರಾ
ಸ೦ಸ್ಥಾಪಕ್
ಡಿವೈನ್ ಮಿಶನ್ ಸೊಸಾಯ್ಟಿ




PRAYER REQUEST

Send your Prayer Request to [email protected]

or

Mob: +91-9845391050

TESTIMONIALS

ತಾಕಾ ಜಾಯ್ ಮೋಗ್ ನ್ಹಯ್ ಮೀಸ್!

(ಹೋಸೇಯಾ 6:6)

ಮ್ಹಾಕಾ ಆಸಾ ತೊ ದ್ವೇಷ್
ತುಕಾಯ್ ಆಸಾ ತೊ ದ್ವೇಷ್
ಆಸ್ಲ್ಯಾರ್‌ಯಿ ಆಮ್ಕಾಂ ದ್ವೇಷ್
ಆಮಿ ಭೆಟಯ್ತಾಂವ್ ಮೀಸ್!

ಅರ್ಗಾಂ ಮೀಸ್ ಬರೆಂಚ್
ತೆಂ ಬಲಿದಾನ್‌ಯಿ ಬರೆಂಚ್
ಪೂಣ್ ತೆಂ ಆಮ್ಚೆಂ ಕೆದ್ನಾಂಯ್
ಅಧುರೆಂ ವಾ ಅರ್ಧೆಂಚ್!

ಹಾಂವ್ ಚುಕನಾ ಮೀಸ್
ತುಂಯ್ ಚುಕನಾಯ್ ಮೀಸ್
ತರ್‌ಯಿ ಮಿಸಾ ಉಪ್ರಾಂತ್
ಆಮ್ಚೆಂ ಆಸನಾ ಮೀಸ್!

ಹಾಂವ್ ಏಕ್ ಕ್ರಿಸ್ತಾಂವ್
ತುಂಯ್ ಏಕ್ ಕ್ರಿಸ್ತಾಂವ್
ಪೂಣ್ ವಿಪರ್ಯಾಸ್
ಕ್ರಿಸ್ತಾಕ್ ಆಮಿ ವಳ್ಕನಾಂವ್!

ವ್ಹಯ್ ಹಾಂವೆಂ ವಳ್ಕಜೆ ಕ್ರಿಸ್ತಾಕ್
ತುವೆಂಯ್ ವಳ್ಕಜೆ ಕ್ರಿಸ್ತಾಕ್
ಕಿತ್ಯಾಕ್ ತಾಕಾ ಜಾಯ್ ಮೋಗ್
ನ್ಹಯ್ ಫಕತ್ ಮೀಸ್!!

- ಲ್ಯಾನ್ಸಿ ಕಾರ್ಡೊಜಾ ತಾಕೊಡೆ, ಅಲಂಗಾರ್ 

WHO IS ONLINE

We have 201 guests and no members online